قصيدة : ودعى احزانك

من طرف **محمد السيد** الجمعة مايو 08, 2009 8:22 am

ضمى نفسك جوه قلبك واضحكى
عمر قلبك ما يضيق عليكى ويشتكى
ليه البكى
لما ممكن تضحكي
كل اللى جواكى مصلوب على خشبة بسمتى
ولما هبكى
هتتخلط
وتتمزج
دمعتك بدمعتي
علٌىِِ صوتك وانشدي
ولو الفرح ما بيسمعش اصرخي
وان شدك وشك للخلف ارفضي
حاجة جواكى عاوزة تطلع
طلعى
أرمى منك صوت مخاوف جايا تتسلل في الظلام
أرمى منك صوت مخاوف ناويه تعتدي
خلى القلق يقلق على نفسه لما يترمى
وان حسيتى نفسك مغموسه حزن
لازم لازم
تبعدي
وارم روحك في شعاع الشمس تطلعي
مين اللي ما بينزفش دم
مين اللي مش معجون بهَم
يله هاتى أيديك في ايدى وامسكي
لو للفرح ألف سبب
للحزن برضوا مليون سبب
وفين بسمتك يا نوارة
ده الشمس تطلع من جوانا
وتمد رجليها تعدى بحر الحزن حتى لو كان سرمدي
هاتى راسك على ايدى
لو الحرايق تشتعل في المشارق والمغارب
تختفي
تتنسى
وتتمحى
بس يله مع صوت الآذان كبرى
لو الأحزان بتصنع كل يوم باب
باب الرجا فى الله بيجى
تنشق الصخور الصلبه
وعلى جناح الطير نغنى
ده الغنا وليدك ووليدي
هزي فروع الصبر تانى
واجرى واسبقي أحلام امانى
مهما كنا نصرخ نعانى
وقولي للدنيا كلها
ايدى ما تعرف ألم
وحطى أيدك على قلبها
واضربي
ربك معاكى
بالهدى
مين هيستحمل ضربة ايديكى
مين هيقدر عليكى
بس حطى فى قلبك العيون اللي عاوزة تفتديكى
صدقيني هو ده الصوت الحقيقي
اللي من غيره مش ممكن تسمعي
أوعى أبدا ترجعي
بصى يله لبلال واطلعي
أوعى أبدا ترجعي