مزاجك شوووووووووووووووو

راسي بدندن اليوم
بقصيدة لشاعر كبير
يقول الشاعر حامد زيد


بعد ماقابلتني عاتبوها
على شوف الحبايب حاسبوها
خذوها وأبعدوها غصب عني
وعن وجهة طريقي جنّبوها
وشالوها عن عيوني غصيبه
عواذل وأغصبوني وأغصبوها
خذوها من يديني شوف عيني
وعن عيني تعدّوا وأحجبوها
كلام وصدّقوا بالبنت كذبه
وهم اللي من أول كذّبوها
وهم وشدخلهم في مال بيّن
لبوها والخلايق طالبوها
وفيّه لاتخون ولاتعاند
جسوره والمواعيد أرعبوها
ملاكٍ كامله والكامل الله
ولكن العواذل عذربوها
وهي كلما دعتني تشتكي لي
عن اللي سالفتنا سرّبوها
تخاف وتلتفت مع كل كلمه
تظن أن العواذل راقبوها
تلفّت من عقب ماهي جريئه
شجاعه ماتهاب وهيّبوها
وأهدّيها وأنا حاير وثاير
مصيبه ياعذابٍ عذبوها
وهم كلما خذوها عن طريقي
تراهم صوب قلبي قرّبوها
وأنا ماتعّبت قلبي خيانه
خيانه رتّبوها وأحسبوها
ولا يعجز خفوقي لايقابل
جفا من حاربوه وحاربوها
وأنا لي عزّة ٍ تفرض عليّه
أخاطب بالجفا من خاطبوها
وأكسر لوحة الماضي وأزيله
وأخرّبها مثل ماخرّبوها
وأذوّقهم ندم ماصار فيها
وأشرّبهم من اللي شرّبوها
وأدلّعها وأولّعها بنفسي
وأشرٌّقها بعد ماغرّبوها
وأعوّضها عن اللي راح كله
وعن ذيك الليالي كلّبوها
غلاها بالحشى لازال ثابت
ولو حتى بغيري حبّبوها
وغلاي بقلبها مرّ وتعدى
غلاها لأمها ولا لأبوها


صح لسانك وقلمك

قرم وفقير

منك العذر وعلي المعذره
لا تحسب حساب هجر ولا هجير
كل ذنب بتذنبه بستغفره
واحد(ن) ما يعذرك ما فيه خير
دور بصدري وطن واستعمره
عندك من الضلع الأول للأخير
عيش فيني وادمر اللي تدمره
واعتذرلي واعتبر سرك ف بير
لا تبشرني بجرح وتذخره
لا تعشمني بفرح وتستخير
ولا تنومني بليل وتسهره
ولا تنام الا وانا جفني سهير
خلني مثل النجوم مبعثره
عيش فيني لا شهيق ولا زفير
لا تقول العفو عند المقدره
خل قلبك صلب وحسابك عسير
المسامح والزعل للمبزره
والا انا لاني زعول ولا صغير
ودي ادري ليه للحزن ثمره
ودي اقطف من قساوتك العبير
ودي اجفل من فراقك واحذره
ودي اعرف لو زعلت شيب يصير
لو تقدر خاطري صدق اكسره
لو صحيح تحبني لا تستشير
ازرع بقلبي سبب يستنفره
اثبت انك غير وان الناس غير
شاعرك ما كل بنت تجرجره
حارت ابه عقول ناس(ن) ما تحير
النسا ما حركوا فيه شعره
ثار عشق وما لقى شي يثير
لو سكت شفت الوقار بمنبره
وان تكلم زمهرير بزمهرير
ما يحضر إلا القلوب مجمهره
وما يغيب الا وعشاقه كثير
إن هجرته تستقر بمحجره
وإن تبعت رضاه ما عينت خير
إعشقه لكن بعد ما تقهره
إبتسم له بس لا شفته كسير
حن لكن حن لا جبت خبره
حب لكن خل حبك بالاخير
لو عطيته وجهك أعطاك ظهره
صد عنه ويتبعك مثل الضرير
لا تحاول تكسبه ما تخسره
صير ثلج يصير لك مثل السعير
ما تميل الا الغصون المثمره
وما يسيل من الجروح الا الغزير
من قبل ما تنقهر منه اقهره
قبل لا يستحقرك خلك حقير
اسكنه حرك جموده بعثره
اعشق اكره عاتب اشره حن غير
انثره لملمه.. لملمه انثره
صد.. ياخي طير لو تقدر تطير
من متى وانا اتحرى لي مره
تثبت اني لا وقعت اوقع كبير
ابك انا مقطوع من غصن شجره
لا صديق ولا رفيق ولا عشير
بدوي(ن) شيب الصبر شعره
ما عرف ريش النعام ولا الحرير
إن غفا كأن السحاب يدثره
وإن صحى يفرش من الرمضا حصير
ماخذ(ن) من قسوة البيد أكثره
ومن شموخ البدو شر(ن) مستطير
جنته صحراه والشوك زهره
والسراب بنظرته مثل الغدير
إن فزع يا مشجعه يا مظفره
من خلقه الله وهو قرم وفقير
كان ما تقدره قل ما تقدره
صير غالي صدق والا لا تصير
الغلا اللي ما تزعزعه اهجره
دام قلبك لا يجار ولا يجير
شوف لك رجل(ن) بليد استحقره
واجد اللي يعشقون بلا ضمير
بس انا لو جبت لي مية مره
ما تحرك فيّ شعره لو تطير
بقلم : حامد زيد


جت على بالي لدروس الحياة
وليس كما أرادها كاتبها

على طول إن شاءالله
الجميع مزاجكم
عال العال
ومني إلكم مزاجي
اليوم

مساء الرقة يا أجمل قمر ماشافته ليله

مساء(ن) مايليق الا بشخصك يا اعز الناس

ياويلي عالعيون اللي تطالع من ورا الشيله

انا كل ماتخيلتك تحرك داخلي الاحساس

دخيلك لاتخليني ودور للسفر حيله

وابا اهديلك على ذوقي قصيدة طارق المحياس

دخيلك اجل الموعد اذا تقدر عاتاجيله

انا دونك اذا تدري بلانبض(ن) ولاانفاس

حبيبي باختصار اسمع انا قلبي طفح كيله

تعبت اسهر على الفرقا وجفنك مهتني بنعاس

تعبت اكتبلك اشعاري تعبت اعزف مواويله

انا من كثر ما اشكي واحاتي صابني وسواس

تعب يبكي العنا قلبي ولا في شخص يبكيله

تعبت اخضع لايامي وانا اللي مانكست الراس

حبيبي ملني شعري كثر ماقلبي يشكيله

كثر ماغبت يا اطهر من انفاس الزهر والماس

حبيبي سرت للدكتور وجبتلك تحاليله

يقول ان الوله فيني تعدا الحد والمقياس

كتبت الشعر لين امست بدمي كل تفاعيله

حبيبك مرهف احساسه وتدري بالقلوب اجناس

دخيلك لاتخليني ودور للسفر حيله

وابا اهديلك على ذوقي قصيدة طارق المحياس

دخيلك اجل الموعد اذا تقدر عاتاجيله

انا دونك اذا تدري بلانبض(ن) ولاانفاس

لا أبكي شيئاً في هذه الدنيا ....... إني احتسبتها عند رب العالمينا

تغدو سعيــدة فرحـــة هـُنيهة ...... ودهــوراً تحبــو كئيـــبة حزينــا

تأتينا لو نسير مبتعدين عنها ...... وتروح عنـا لو أنّا عليها مقبلينا

كما اللئيم إن تتجاهله حينــاً ...... يهفـــو إليـــك يطلب وُدك يقينــا

فمن يبكي عليها إلا النادبين ...... اللذيـــن لترابـــها هم عاشقيــنا

أمــا مــن رأوها ببصيــــرة ..... تصدوا لها بشجاعــــة قادرينــا

برضاً في قلوبـهم لأقدارهـم ...... فحباهم ربـــهم هدوءاً وسكينـا

أما من أبى أقداره وعصى ...... فليركض ورائـها ذلولاً مهينـــا